አዲስ አበባ — በኮልፌ ቀራንዮ ክፍለ ከተማ የወረዳ 07 ደንብ ማስከበር ጽሕፈት ቤት “ህገ-ወጥ የበረንዳ እና የጎዳና ንግድን በጋራ እንከላከል” በሚል መሪ ቃል ሰፊ የህዝብ ንቅናቄ መድረክ አካሄደ።

የአካባቢውን ሰላምና ውበት ለመጠበቅ እንዲሁም የህዝብን የጋራ ተጠቃሚነት ለማረጋገጥ በተዘጋጀው በዚህ መድረክ ላይ በርካታ ቁጥር ያላቸው የነዋሪዎች ተወካዮች፣ የሀይማኖት አባቶች እና የጸጥታ አካላት ተገኝተዋል።

​የመድረኩ ዋና ዋና ኩነቶች፦

​የመድረኩ መከፈት፦ ዕለቱ በታደሙት የሀይማኖት አባቶች ልዩ ምርቃት እና ጸሎት በይፋ ተጀምሯል።

​የሰነድ አቀራረብ፦ በውይይቱ መነሻ የሚሆን ዝርዝር ሰነድ በአቶ አበባው ካሳሁን የቀረበ ሲሆን፣ በሰነዱ ላይም የህገ-ወጥ ንግድ በአካባቢው እንቅስቃሴ፣ በትራፊክ ፍሰት እና በህጋዊ ነጋዴዎች ላይ እያሳደረ ያለው ተጽዕኖ በሰፊው ተዳሷል።

​የህዝብ ተሳትፎ እና ውይይት፦ በመድረኩ ላይ የታደሙት የሰብሰባው ተካፋዮች በተነሳው ሰነድ ላይ ሰፊ ውይይት በማድረግ፣ የአካባቢያቸውን ደህንነትና ደንብ ከማስከበር አኳያ ያሉባቸውን ስጋቶችና ጥያቄዎች በነጻነት አንስተዋል።

​ማጠቃለያ፦ከውይይቱ ተሳታፊዎች ለተነሱት ዘርፈ-ብዙ ጥያቄዎችና አስተያየቶች የጽሕፈት ቤቱ የቅድመ መከላከል ሽፍት አስተባባሪ የሆኑት አቶ ብርሃኔ ሙላቱ ሰፊ ማብራሪያና ምላሽ ሰጥተዋል። ህገ-ወጥ የጎዳና እና የበረንዳ ንግድን ዘላቂ በሆነ መልኩ ለመከላከል የህብረተሰቡና የደንብ ማስከበር አካላት ቅንጅታዊ አሰራር ወሳኝ መሆኑን በማስገንዘብ መድረኩ በስኬት ተጠናቋል።

ምንጭ፡- ኮልፌ ወረዳ 07 ደንብ ማስከበር ጽ/ቤት

በመድረኩ የአካባቢ ነዋሪዎች፣ የወረዳ አመራሮች፣ የደንብ ማስከበር ሰራተኞች እና  የሃይማኖት አባቶች እና ሌሎች  ተሳታፊዎች በተገኙበት ሁኔታ የተካሄደ ሲሆን ዋና ዓላማው በአካባቢው እየታዩ ያሉ የደንብ ጥሰቶችን ለመቀነስ እና ህብረተሰቡን በተግባር እንዲሳተፍ ማነቃቃት ነበር።

በመድረኩ ላይ በአቶ አበባው ካሣሁን የቀረበው ዝርዝር ገለጻ በተለይ አካባቢውን  በሚያቆሽሹ በ“ፌስታል” ምርቶች ምክንያት በነዋሪዎች ላይ የሚደርስ ጫና በዝርዝር ያቀረቡ ሲሆን። እነዚህ እንቅስቃሴዎች የድምፅ ብክለት፣ የህዝብ መንገድ መዘጋት፣ የጸጥታ ችግር እና የአካባቢ ንጽህና መበላሸት እንደሚያስከትሉ በግልጽ አቅርቧል።

እንዲሁም በአዋጅ ቁጥር 1383/2017 መሰረት የተደነገጉ የደንብ መመሪያዎች ተገልጸው ማንኛውም እንቅስቃሴ ከመካሄዱ በፊት ህጋዊ ፈቃድ መኖሩ እንዳለበት፣ የነዋሪዎች መብት እንዳይጎዳ ጥንቃቄ መውሰድ እንደሚጠበቅ ተጠቅሟል።

ተሳታፊዎች በመድረኩ ወቅት ያቀረቡት ጥያቄዎች በተለይ በፌስታል አዘጋጅቶች ላይ የሚወሰዱ የህግ እርምጃዎች፣ የፈቃድ ሂደት እና የተፈጸሙ ጥሰቶች ላይ የሚከተለው ቅጣት አይነት ዙሪያ ነበር።

በእነዚህ ጥያቄዎች ላይ የወረዳው ደንብ ማስከበር ጽ/ቤት ሀላፊ ተወካይ አቶ ብርሃኔ ሙላቱ በበቂ ሁኔታ መልስና ማብራሪያ ሰጥተው በህጉ ውስጥ የተቀመጡ የቅጣት እርምጃዎች በጥብቅ እንደሚተገበሩ አስገንዝበዋል። በተጨማሪም ህብረተሰቡ በመረጃ ማቅረብና በንቁ ተሳትፎ ሚናውን እንዲወጣ ጥሪ አቅርበዋል።

በመጨረሻም መድረኩ የጋራ ግንዛቤ በመፍጠር የደንብ ጥሰቶችን በመከላከል ህብረተሰብና መንግስት በተባባሪነት እንዲሰሩ አስፈላጊነቱን አጠናክሮ ገልጿል።

ምንጭ:-ወረዳ 07 ደንብ ማስከበር ጽ/ቤት

በኮልፌ ቀራንዮ ክፍለ ከተማ የወረዳ 07 አስተዳደር አስተባባሪነት፣ ለነዋሪዎች ምቹና ጤናማ አካባቢ ለመፍጠር ያለመ “ውብ፣ ፅዱ እና አረንጓዴ ብሎክ” የመፍጠር የፅዳት ንቅናቄ በዛሬው እለት በወረዳው ሁሉም ብሎኮች በድምቀት ተካሄደ።

አስተዳደሩ ለማህበረሰብ ተስማሚ አካባቢ ለማድረግ በርካታ የልማት ስራዎችን እያከናወነ መሆኑን ሲገልጽ፣ የዛሬው የፅዳት ዘመቻም የዚህ ተከታታይ ጥረት አካል መሆኑ ተገልጿል።

በንቅናቄው ላይ የወረዳው አመራሮች፣ የዘርፉ ባለሙያዎች፣ የየብሎኩ ነዋሪዎች እና በተለይም የኮልፌ ቀራንዮ ክፍለ ከተማ ወረዳ 07 ደንብ ማስከበር ጽ/ቤት ሰራተኞች በብዛት በመሳተፍ የፅዳት ስራውን በተግባር ደግፈዋል። ይህም የህብረተሰብ ንቃትን እና የመንግስት–ህዝብ ትብብርን በግልፅ አሳይቷል።

በመርሃ ግብሩ ላይ መልዕክት ያስተላለፉት የክፍለ ከተማው የቤቶች አስተዳደር ጽ/ቤት ኃላፊ አቶ መቆያ ላሌ፣ “ፅዱ አካባቢ መፍጠር ለጤናማ ማህበረሰብ ግንባታ ወሳኝ ነው” በማለት አጽንኦት ሰጥተዋል። እንዲሁም የደረቅ ቆሻሻን ከምንጩ መለየት እንደ ሀብት በመመልከት መጠቀም የፅዳት ስራውን ስኬታማ እንደሚያደርግ ገልጸው፣ “ፅዳት የስልጣኔ መገለጫ ነው” በማለት እያንዳንዱ ዜጋ ለአካባቢው ፅዳትና ውበት ተቆርቋሪ መሆን እንዳለበት አሳስበዋል።